Lawngtlai 29.July,2021 : COVID-19 hri leng avanga inkharkhip avangin internet hmanga pawikhawihna zaa 60 in a pung tih Mizoram Police te chuan an sawi.


          Hemi chungchanga an thuchhuaha an tarlan danin, Mizoramah internet kaltlanga pawikhawihna a hluar hle a. He hri leng hian khawsak phung a tihdanglam dawrh avangin, mi tam takin an mamawh lak khawmna’n leh inawmtleina’n social media hrang hrang an hmang nasa a. Hei hian internet kaltlanga mi bum ching leh rawk chingte chetna a tihpun mai bakah, rukruk ching leh misualte chet dan a thlak nasa hle tih hriat a ni. Police te tarlan danin, Cyber Crime PS, Aizawl ah kumin January thla atanga June thla chhungin internet kaltlanga pawikhawihna avangin F.I.R 163 a lut tawh a.He hi nikum a khaikhinin zaa sawmruk laiin a pung a ni.
            Heng FIR thehluh zingah hian zaa sawmsarih pakhat (71%) chu internet kaltlanga sum leh paia inbumna kaihhnawih a ni, zaa sawmpasarih (17%) chu internet kaltlanga hmeichhiat mipatna hawi zawnga inbumna leh thlemna a ni bawk, a bak zaa sawmpahnih (12%) hi kan mimal nihna inruksak, facebook kaltlanga hmeichhiat mipatna hmanpuia insawm hnua intihmualpho tuma invauna leh copyright dan bawhchhiatna te a ni.


Post a Comment

Powered by Blogger.