Mizoram-ah Covid-19 Positive 547 hmuhchhuh thar a ni a, mass test atangin 822 hmuhchhuah thar nen 1369, nunna chan 137 an tling tawh

 Mizoram-ah Covid-19 Positive 547  hmuhchhuh thar a ni a, mass test atangin 822 hmuhchhuah thar nen 1369, nunna chan 137 an tling tawh

 Lawngtlai 26 July,2021 : Sorkar thuchhuah in a tarlan danin, July ni 25, 2021 khan ZMC RT-PCR laboratory-ah sample test a awm lova, TrueNAT laboratory-a sample test zingah COVID-19 positive 14 a awm a,  Rapid Antigen Test hmanga COVID-19 positive hmuhchhuah thar 533 an awm thung a ni. July ni 21-24, 2021 inkara khua/veng hrang hranga Mass Test result la update loh thenkhat peih fel ni bawkin, chung mi 822 lo hmuhchhuah tawhte chu data ah belh a ni bawk.

          Nimin khan Sample endik  1810   (Mipa - 991, Hmeichhia – 819)  an ni a. Heng zing ah hian Covid-19 positive 547 hmuhchhuah an ni a. Symptom nei 403, Symptom nei lo 135 leh report loh 9 te an ni a. Sample endik atangin positive hmuhchhuah zat hi 30.22% a ni a. Mihring 1000 zela positive hmuhchhuah tawh zat chu 29 (2011 census zulzuiin) a ni. Mihring 1,00,000 zela Covid-19 vanga nunna chan tawh zat chu 12 an ni. Nimin khan Covid-19 positive enkawlna atangin 334 chhuahtir an ni.

          District 11-a Covid-19 positive dinhmun tlang pui : Aizawl District- 7066, Lunglei District-914, Siaha District-153, Champhai-102, Kolasib District- 667, Serchhip District-43, Lawngtlai District-442, Mamit District - 343, Khawzawl District-2, Hnahthial District-3 leh Saitual District-28 te an ni.

           Mizoram a Covid-19 vei tawh zawng zawng hi 33,452 an ni a,  Mipa 17,986 leh Hmeichhia 15,466 an ni a, hri vei enkawlna hmun hi mi 23,572 an chhuhsan a, nunna chan 137 an awm tawh a ni. Tun dinhmun ah hian Mizoram ah Covid-19 Positive enkawl lai mi 9,743 an awm mek.

    ZMC RT-PCR Laboratory-ah sample test a awm lo.

         TrueNAT Laboratory-ah hian sample  110 (Mipa - 71, Hmeichhia - 39) te endik an niin Covid-19 Positive 14 hmuhchhuah an ni a. Mipa 7 leh Hmeichhia  7. Symptom nei 2  leh Symptom nei lo 12 an ni a. Siaha District- 7, Kolasib District -2, Aizawl District-2 leh Mamit District - 3  ah te hri kai hi hmuhchhuah an ni.

          Rapid Antigen Test hmanga sampel endik  1700  (Mipa - 920, Hmeichhia - 780 awmin Covid-19 positive 533 hmuhchhuah thar an awm. Mipa 256 leh hmeichhia 277 niin Symptom nei 401, report loh-9 leh Symptom nei lo 123 te an ni. Aizawl District - 442, Mamit District - 24, Lawngtlai District - 20, Saitual District - 20, Kolasib District-18, Siaha District- 6, Serchhip District- 2 leh Lunglei District - 1 ah te hri kai hmuhchhuah an ni.

Mass Test Result    
            July ni 21 – 24, 2021 inkara Khua/Veng 17 atanga Mass testing-ah positive 822 (Mipa 367, Hmeichhia-455) hmuhchhuah a ni.
            (July ni 20, 2021 a mass testing result hi July ni 21 COVID 19 zingkar result ah khan telh deuh vek tawh a ni a, Tuirial mass testing result erawh a buaipuitu MOT lamin an la peihfel loh vangin telh a la ni rih lo)

    Nimin lama District hrang hranga an hmuhchhuah dan
1. Aizawl District - 444    2. Lunglei District - 1
3. Siaha District - 13        4. Champhai District - 0
5. Kolasib District - 20    6. Serchhip District - 2
7. Lawngtlai District - 20    8. Mamit District - 27
9. Khawzawl District  - 0    10. Saitual District -20
11. Hnahthial District -0