Newparnunmawikimi (Abiali) kum-15 D/o Upa MH.Ngunhuma (L) M.Kawnpui, Lawngtlai District chu vanduaithlak takin Dt 18.07.2021 (Sunday) @ 06:00Am velah khan SLE natnain Chenai-ah a boral a
Thil mak deuh mai chu, he tleirawl hian 05.12.2020 khan M.Kawnpui khuaah hi a chhuahsan a. Khua a chhuahsan hma daih atang hian a Mobile phone hi a chhiat tawh avangin, Sim card hi a phawrh a, naupanghoin Tea-set atan an hmang mai mai tawh a ni.
A Mobile neitu Newparnunmawikimi (Abiali) a thih tuk 18.07.2021 @ 06:00Am hnu darkar hnih dawn vel 08:00am velah chuan he Phone chhia a tang hian fiah em em maiin zai ri a lo chhuak ta a.
Khawtlangin a boral thu an hriat veleh In leng leh in singsak buai lai velte a nih avangin Mobile atanga zairi pawh chu tuma ngaihsak a hlawh lem vak lo va.
Mahse a zai rei tak deuh hnuah chuan then khat ten, "Tu Mobile nge maw le?" tia a rikna lam an han zawn chuan, Fridge hnuai atangin a lo zai al al hi a lo ni a. Mizo hla ngei mai chu Mobile chhe tawh, sim pawh awm tawh lo atang chuan a lo zai chu niin, chhungkua leh inlengho mak tih a hlawh ta hle mai a. Off tuma an han bei ngial pawh chuan, Mobile chhe tawh na na na chu off ngaihna pawh chu a awm bawk si lo va.
A tawp a tawp-ah zawng Pu K.Lalbiakkunga Yla Branch Property Secretary-in a phelh ta ringawt mai a, a phelh hnuah chauh hian zai chu a tawp ve thei ta hram a ni.
He hla hi a mobile neitu leh boral ta khan M.Kawnpuia a awm lai pawh khan a hla duh ber leh a ngaihtlak fo thin kha a ni reng reng a.Chu chuan a khaw mite mak tih a hlawh leh zual a ni.
He phone hi a neitu a boral atanga darkar hnih vel liam hnu dawn 18.07.2021 @ 08:00am velah a vawikhatna hi a rawn zai a. Chuta tang chuan a khat tawkin a ruang a rawn thlen hma zawng a zai reng thin a ni.
Dt 21.07.2021 @ 03:00Am velah khan aruang hi Chenai atangin an khua M.Kawnpui chu rawn thlenpui a ni a. Hemi ni vek dar 10:00Am velah khan an khaw Tlanmualah vuiliam a ni ta a ni.
Chuvangin an chhungte ngaih tha lo chuan, a Mobile chhia pawh hi an phum tel ta a ni.
Hei hi a Mobile zai lai, mak an ti em avanga off tuma an beih lai leh off thei si lova, an phelh lai, Mobile dang atanga, Vedeo a a thla an lak chu a ni.
Amah a dam lai zawng pawha zai chhuak ngai miah si lova, amah a boral veleha heti tak mai a a Mobile kum khat chuang chhe tawh leh naupanghoina Tea-set tana an hman mai mai tawh ina, a ruang an vui thlen pawha a khat tawk a a zai reng mai hi mak tih loh rual chu a ni lo bawk a ni.
Hei hian thih hnu Thlarau khawvel awmdan pawh hi ngaihtuahna a kal thuitir hle a ni.
Mobile atang zai zat hi an lo chhinchhiah lem lova. A thih lawk 18.07.2021 @ 08:00am vel atanga zairi hi rawn chhuak tan a ni a.A tlangpuiin darkar 2-3 inkar velah chuan chhunzan zawmin zai reng ang a ni a. A ruang vui hun lai Dt 21.07.2021 @ 10:00am thleng khan a zai reng a ni.
Mizoram thlil thleng mak ve tak chu a ni hrim hrim a ni
Dated Siaha the 22nd July 2021
*Source:- Pu Beirà chhua Teasurer, YLA Branch: M.Kawnpui
Ka awih baulo 😂
ReplyDelete