Nimin (21.07.2021) khan Mampui Village Level Task Force te’n an khawtlang mipuite tharchhuah thlai chi hrang hrangte Lawngtlai Chandmary leh Lawngtlai-III Village Level Task Force te hnenah khawtlang mipuite tan an hlan.
Heng thlai leh thei rah te hi Mampui khua a chhungkaw hrang hrang te’n an Leipui, Lo leh huan atanga an thar chuahte nimin khan lakkhawm hna an thawk a. Fur thlai chi hrang hrang Pick Up trip 2 chu Mampui VLTF ten Lawngtlai Chandmary leh Lawngtlai-III khawtlang hruaitute hnenah an hlan a.
Lawngtlai Chandmary VLTF aiawh hian Pu Ricky Hmingthanzuala’n thilpek te hi a lo dawng a. Mampui khawtlang te’n an duhsakna ah lawmthu a sawi a, heng an thilpek te hi an khawtlang a khunghran mek te leh mi harsa zualte hnenah sem anih tur thu a sawi a. Khawtlang mipuite inpekna ah Chandmary mipuite aiawhin lawmthua sawi a ni.
VLTF Lawngtlai - III aiawha thilpek lo dawngtu Pu H. Ramdinzauva, VLTF Secretary chuan Covid-19 avanga L-III khawtlangin harsatna lian tak an tawh laia Mampui khawtlang mipuite'n rim taka an thawhchhuah sa a thlawn a L-III khawtlang tana an lo hlan chu ropui a tih thu leh khawtlang mipuite aiawhin lawmthu a sawi bawk. Covid-19 in a tihbuai mek Lawngtlai - III vengchhunga Home Quarantine leh Home Isolation mekte tan heng thlai leh theirahte hi sem a ni ang.
Lawngtlai-III VLTF te hian Mampui khawtlang mipuite hnena lawmthu sawina atan Dal bag 2 an hlan bawk a ni.
Post a Comment