DIRECT FUNDING
~By: Dr.BD Chakma, MLA
He ṭawngkauchheh hian mi tamtak ngaihdan a hruaisual thei dawnin a lang. He thu hi kum 15 liam ta aṭang daih tawh a Congress Party High Command te'n MLA/MP inthlan laia ADC area a vote zawn nana an hmatheh Ṭawngkam kha a ni a. Chuvangin, ADC chhunga kan mi leh sa te'n he thil hi kan hriatfiah lehzual thei na tura sawi ka duh chu, Direct Funding ti thumal tak hi chu India ramah hetiang System hi a awm lova. Amaherawh chu, Union Government of India hnen aṭanga ADC te Budget pumpui sum dawn tur (Allocation of Fund from Consolidated Fund of Union Governmemt of India) chu Personal Ledger Account (PLA) of The Executive Secretary of Autonomous District Council hnenah Direct in an lo thun zel theilo a ni.
Union Ministry ṭhenkhat te chuan tunah pawh hian State sawrkar in rem a ti chuan Direct in sum min pe thei reng a ni. Chuvangin, Direct Funding tih Ṭawngkam ai chuan Sixth Shedule Amendment kaltlanga Thuneihna lian zawk tih ṭawngkam hi hmang ta zawk ila a finthlakin, a awmzia pawh a thuk zawk a ni. Tunah rih chuan India Danpui Article 280 (Union Finance Commission Grant) leh Article 275(1) -(Excluded Area Grants in Tribal Areas) te hian min tuamlo reng reng a. Mahse, kan duh leh kan tum ber, kan nghahlel em em zawk chu heng Article 2 chhungah min khung ve turin kan dil a. SSA hian Union Government aṭang sum leh paia ṭanpuina kan dawn theihna tur kawng min siamsak dawn a ni. Chumai ni lovin, Union Government aṭangin sum tam zawk kan hmu theih nan leh Department tam zawk kan kutah a awm theihna tur pawh kawng min hawnsak vek dawn a ni.
Kan theihna zawng zawng sawmkhawmin Autonomous District Council ti hming pawh Autonomous Territorial Council tia thlak turin kan thlen bawk a. Amaherawh chu, ADC hming ATC tia thlak erawh Mizoram State chhunga Council te kan tan chuan a harsa deuh maithei a ni. Achhan chu, keini Council 3 te hi District 2 hnuaia awm kan ni tlat a. Joint Secretary, Home(N.E) hlui Pu Sattyendra Garg ngei pawhin hming thlak chungchang hi chu theitawpin a do ve tlat a ni. Comment a siamna ah pawh hming thlak tak hi chu a duhlo zia a tihlan ka ring a. Mahse langin, kan theihna zawng zawng sawmkhawmin a hlawhtlin theih nan hmalak erawh kan tum reng tho a ni.
Tawifel taka ka sawi duh chu, BJP Leaders leh Workers te chuan Direct Funding tih Ṭawngkauchheh hi chu hmang tawhlo ila, _Thuneihna Lianzawk_ ~ More Power (MP) through Sixth Schedule Amendment(SSA) ti hi i hmang uar zawk ang u.
Post a Comment