Lawngtlai 26,July. 2021:* Vawiin khan Lairam Isua Krista Baptist Kohhran (LIKBK) Assembly chuan COVID-19 do nana a ṭul apianga hman turin Lawngtlai District Level Task Force (DLTF) hnenah pawisa fai Rs 1,00,000/- (cheng nuai khat) an hlan.
Ṭanpuina hi LIKBK Assembly ai awhin General Secretary Rev. B. Zazawna Lai chuan Lawngtlai DLTF Chairman, Bawrhsap Dr Andrew H. Vanlaldika kutah a hlan a ni.
Bawrhsap Dr Andrew H. Vanlaldika chuan Lawngtlai District-ah tlawmngai pawl, kohhran leh mi ṭhahnem ngaite'n sawrkar thawhpui a, an tha tihchak nana sum leh thilpek chi hrang hrang an pe ṭhin chu lawmawm a tih thu a sawi a. He'ng thilpekte hian sawrkar a chhawk zangkhai hle a, hripui dona kawnga sawrkar, tlawmngai pawl, kohhran leh mipuite ṭan rualna tilangtu a ni, a ti
Post a Comment