Lawngtlai, 07 July, 2021 : Lawngtlai Bawrhsap Dr. Andrew H. Vanlaldika chuan vawiin July 7, 2021 khan thuchhuah siamin, Lawngtlai District khawtlang lamah Covid-19 positive hmuh belh zel a nih vang leh mipui zinga hri inkaidarh tur ven nan vawiin July 7, 2021 (Nilaini) atanga thuleh awm hma chu Bungtlang 'S' leh Diltlang 'S' thlang lam huam chhung khua mipuite chu zin veivah a khap.
He thupek hian a hnuaia mite hi a huam lovang :
1. Essential Commodities lam turte (Khua hrang hrangte)
2. Medical Emergency leh chhiat tawh/thihna vanga zin veivah ngaite
3. Hmasawnna kawnga hnathawk mek Contractor leh Company hnuaia hnathawkte (Heng mite hian anmahni hriat theih nan ID Card an nei tur a ni)
4. SDO (C), Chawngte leh BDO, Bungtlang 'S' ten tul bik thila phalna an pek te
Post a Comment