July 23 atanga tan tur Tokyo Olympic-a tel tur India Contingent chuan inrinni khan Japan an pan ta a, India hockey team player Lalremsiami Hmar Zote pawh beiseina sang tak nen Mizo mipuite tawngtaipuina dil chungin India team-ah hian a tel a, Mizoten Olympian kan neih belh dawn tih a chiang zel e.
2020 Tokyo Olympics- ah India-in infiammi 119 a tir a, chung zinga 67 chu mipa niin hmeichhe 52 an awm bawk a, team official-te nen an vaiin mi 228-ten Japan an pan. India an chhuahsan hmain Remsiami chuan, ‘Mizo mipui leh ka thalaipuite min duhsakna leh nasa taka min tawiawmna avangin ka lawm em em a. A bik takin Mizoram sawrkara chief minister leh sports minister-te chungah pawh ka lawm e. Mizo mipui te, India aiawha feh chhuak tur zawng zawng te min lo tawngtaipui a min lo tawiawm chhunzawm zel turin kan sawm a che u’ a ti.
Tun tum hi India-in Olympics-a infiammi a tirh hnem ber tum a ni a, sports events 18-ah inelna an hmachhawn dawn a, kum 4 kalta Rio Olympicsah khan India-in medal 2 (Silver 1, bronze 1) a dawng a, a pumpuiah 66- na a ni.
Olympics atan a thlengtu tur Japan a inpeih tawh a, hetihlai hian Covid19 avangin an la buai fu mai. Chanchinthar berah olympic kaihnawh avangin positive pathum hmuh belh a ni a. Eng mi nge an nih puan nilo mahse olympic a tel tur te awmna Olympic Village ami pahnih an tel.
Tokyo Olympic kaihhnawih avangin Covid19 positive hi 55 an tling tawh a Positive te hi infiammi, volunteer, contractor, staff etc. te an ni.
Post a Comment