Lawngtlai, July 13, 2021 : India rama Covid-19 hri kai hmasa ber, Wuhan University a medical zirlai chu vawiin khan Kerala-ah Covid-19 hri a kai leh tih hmuhchhuah a ni.
January 30, 2020 khan India hmeichhia, Wuhan University-a medical zirlai pakhat chu India ramah a lo haw a, Covid-19 test neih niin, hri a kai tih hmuhchhuah a ni a, chawlhkar thum hnuah hri lakah a fihlim. He nu hi India rama Covid-19 hri kai hmasa ber a ni.
Thrissur District Medical Officer,Thrissur District Medical Officer Dr KJ Reena chuan, he hmeichhia hi RT-PCR hmangin test a ni a, vanduaithlak takin a lo positive hlauh a ni a ti a, a dinhmun erawh a that thu a sawi.
He hmeichhia hi zirna avanga New Delhi-a kal tur a ni a, a positive tih hmuhchhuah a nih tak avangin an in lama inenkawl tura tih a ni.
Post a Comment