Longpuighat, July 13, 2021 : Vawiin khan Longpuighat I leh II a VC President te, Young Chakma Association, Mizoram Chakma Students Union, Chakma Mahila Samiti leh Village Level Task Force (VLTF) te chuan Health Minister Dr. R. Lalthangliana hnenah Longpuighat-a Primary Health Centre hman lohva awm mek chu hman theih tura tipuitling turin leh a hma thei ang berin Longpuighat-ah hian medical team te damdawi thahnem tak nen kal turin an ngen.
Vawiina Longpuighat Joint NGO thuchhuahin a tarlan danin, Lawngtlai District chhunga Longpuighat-ah hian Covid-19 hri kai 312 an awm mek a, hengte hi Community Covid Care Centre dah an ni a. Hetih lai hian Covid-19 damlote hian doctor leh nurse indaihloh avangin damdawi hmanga enkawlna tha an dawng lo tih Sudhir Tongchangya, Joint Secretary of Joint VLTF Committee chuan a sawi a, Longpuighat-a PHC pawh hman lohin a awm mek a ti bawk.
Covid-19 hri mai bakah Longpuighat leh a khaw chhehvelah hian natna dang avanga damlo an tam hle a, hengte hian damdawi hmanga in enkawlna tha an mamawh em em a, hei vang hian PHC hi tipuitling vat turin Joint NGO, Longpuighat chuan Mizoram sorkar an ngen a ni.
Post a Comment