Euro 2020 quarter-final khelh zawh tawh niin, ram paliin champion nih an inchuh dawn ta. Italy leh Spain chuan Wembly-ah 07 July, 2021 (12:30am) ah semi-final an khel dawn a, England leh Denmark te pawhin Wembly-ah vek hian 08 July, 2021 (12:30am) ah semi-final an khel ang.
Hetih lai hian tun tournament-a khung tam lamah intlansiakna a la kal zel a, Portugal chu Belgium lakah mualpho mahse, an thiampuipa Cristiano Ronaldo chu a mualpho ve lo. Euro 2020 ah hian match 4 a khelah goal 5 khungin, assist vawi 1 a nei a, minute 360 chhung a khel a, top scorer dinhmun a luah mek.
Czech Republic forward Patrik Schick chuan Ronaldo hi rawn hnaihin, a ni hian goal 5 tho khungin, assist a nei lova, minute 404 a khel. France striker Karim Benzema, Sweden thiampuipa Emil Forsberg, Belgium striker Romelu Lukaku te chuan goal 4 theuh an nei bawk
.
Euro 2020 top scorer tehna hi goal thun zat inangah assist an neih dan leh minute an khelh zat atangin an teh a ni.
| Position | Player | Country | Goals | Assists | Minutes played |
|---|---|---|---|---|---|
| 1 | Cristiano Ronaldo | Portugal | 5 | 1 | 360 |
| 2 | Patrik Schick | Czech Republic | 5 | 0 | 404 |
| 3 | Karim Benzema | France | 4 | 0 | 349 |
| 4 | Emil Forsberg | Sweden | 4 | 0 | 371 |
| 5 | Romelu Lukaku | Belgium | 4 | 0 | 444 |
| 6 | Xherdan Shaqiri | Switzerland | 3 | 1 | 371 |
| 7 | Raheem Sterling | England | 3 | 1 | 401 |
| 8 | Kasper Dolberg | Denmark | 3 | 0 | 158 |
| 9 | Robert Lewandowski | Poland | 3 | 0 | 270 |
| 10 | Georginio Wijnaldum | Netherlands | 3 | 0 | 270 |
| 11 | Haris Seferovic | Switzerland | 3 | 0 | 382 |
| 12 | Harry Kane | England | 3 | 0 | 409 |
| 13 | Pablo Sarabia | Spain | 2 | 2 | 252 |
| 14 | Memphis Depay | Netherlands | 2 | 1 | 237 |
| 15 | Ferran Torres | Spain | 2 | 1 | 305 |
Post a Comment