Lawngtlai, July 12, 2021 : Vawiin July 12, 2021 dar 11:00am vel khan Pi Vansangpuii (39) W/o C. Lalhmangaihzauva, Rochungnunga fanu, New Vengpui, Lawngtlai chu Mualthuam North khaw dai, Jerusalem Bazar bulah a boral.
Pi Vansangpuii hi raipuar a ni a, nimin khan TrueNat hmangin Covid-19 sample test a ni a, hri a kai tih hmuhchhuah a ni. Lawngtlai Civil Hospital-an nau neih tir tum a ni a, amaherawhchu, ZMC lamah refer a ni ta zawk a ni. Vawiin khan ZMC pan hian an kal a, ZMC an pan laiin, Mualthuam North khaw dai, Jerusalem Bazar bulah a boral ta a ni.
Pi Vansangpuii ruang hi Mualthuam North YMA ten a tul dan ang angin an buaipui a, kuang an siamsak bakah Rs. 500 in an ral bawk a ni.
Pi Vansangpuii ruang hi Lungleiah lak phei a ni a, a ruang hi peih fel a nih hnuin Lawngtlai-ah phurh thlen a ni ang a. He thu buatsaih lai hian a rung hi a la thleng lova. Kan thudawnna in a sawi danin, a ruang hi a lo thlen hun ah Don Bosco School tualah vuina hun hman a ni ang a, phum nghal a nih tur thu an sawi a ni.
Haulawng-ah a thi lo. Mualṭhuam N zawk-ah a ni.
ReplyDelete