Lawngtlai, July 24, 2021 : Covid-19 hriin Lawngtlai min tuam mek a, tun dinhmunah Lawngtlaia hri kai awm zat chu 171 a ni. Hetih lai hian Lai Autonomous District Council chuan hri dona kawngah leh chhawmdawl ngaite chhawmdawlna kawngah nasa takin tan a la mek.
LADC sorkar chuan hri kai tamna zual veng/khua heng, New Vengpui, Lawngtlai-III, Bethel Veng, Chandmary leh Karluiah te hian CEM Relief Fund atangin chhawmdawlna atan Rs. 20,000 theuh a pe.
LADC sorkar chuan hri dona kawngah hma la chhunzawm zelin Rapid Antigen Test Kid 2500 a lei dawn a, hei hi Lawngtlai Medical Department te hnenah hlan a ni ang.
Tin, LADC a DM&R Committee-in PPE an kawl lai mek chu Lawngtlai khawpui chhunga veng te leh khawpui pawna khua ten an mamawh dan azirin Office-ah leh DM&R Committee Secretary Pu Thathluna Chinzah hnenah a lam theih a ni. Nimin khan Lawngtlai-III VLTF te hnenah PPE set 4 pek a ni bawk.
Post a Comment