Lawngtlai, July 13, 2021 : Tuichawng bialtu MLA Dr. BD Chakma chuan nimin July 12, 2021 a Covid-19 hri kai, nau nei tur vanduaithlak taka ZMC an pan laia boral Pi Vansangpuii, New Vengpui leh Kamalanagar III a mi, Covid-19 vei, ZMC panpui laia July 5, 2021 a boral ta Shanda Provo Chakma te chu a tuarpui thu a sawi.
Dr. BD Chakma, MLA chuan tun hnaiah Covid-19 hri kai, ZMC a refer lai mi pahnihte kawng laka an boral chu pawi a tih thu a sawi a. 'Mizoram chhim lam atang chuan ZMC, Aizawl hi a panna a hla em em a, damlo na deuh, ZMC a kalpui lai te kawng lakah an boral ta fo mai. Hei vang hian Chhim lam tan Mizoram sorkar hian Lungleiah Dedicated Covid Care Centre changtlung tak buatsaih se tiin Mizoram sorkar ka ngen a ni' a ti.
Post a Comment