Test runpui chu State Nodal Officer, IDSP & Covid-19 Dr. Pachuau Lalmalsawma leh Pu Lalfakzuala Pautu, State Entomologist, IDSP te kaihhruaiin State IDSP leh Thingsulthliah CHC-ten an nei a ni.
Dr. Lawrence Lalramenga, MO, Thingsulthliah CHC-in report a pek danin July ni 15, 2021- ah Chhuanthar mi 3 chu Aizawl Vana Pa Hall Mega Kiosk leh Trinity Hospital-ah RAgT Negative Certificate mamawhna avangin an intest a, an positive tih hmuh chhuah a ni a, Baktawng khuaa an contact-te July ni 16, 202- ah RT-PCR test neih a ni a, hemi rual hian Chhuanthar khua atangin Covid-19 symptomnei mi 18-te RAgT test neih nghal a ni a, chung zingah mi 16 an positive a, SIRD 4C Thingsulthliah-ah dah luh nghal an ni a.
July ni 17, 2021-ah Thingsulthliah CHC leh Chhuanthar VLTF te inbe rawnin Covid-19 positive contact symptom nei mi 88 chu RAgT hmanga test niin an zingah positive mi 24 hmuhchhuah an ni a, an zinga mi 11 chu SIRD 4C-ah dah luh an ni a, a dang mi 13 te Chhingchhip 4C ah dah an ni a.
July ni 18, 2021-ah Chhuanthar VLTF te hnen atangin Covid-19 symptom nei mi 1 report leh a ni a, Thingsulthliah PHC a RAgT test turin koh a ni a, mahse, a negative a.
July ni 19, 2021-ah Chhuanthar VLTF te atangin Covid 19 positive chhungkaw zingah symptom nei 4 an awm a, Thingsulthliah PHC-ah RAgT test-in an vaiin an positive a, Rural Health Training Centre Thingsulthliah 4C ah dah luh an ni a.
July ni 20, 2021-ah symptom nei leh positive contact mi 188 RAgT test an ni a, positive 62 hmuh an ni a, Chhuanthar 4C ah dah luh an ni a.
July ni 22, 2021-ah positive contact RT-PCR a test turin mi 99 sample lak a ni a, anni bakah symptom nei leh positive contact mi 199 RAgT hmanga test niin an zing a mi 54 an positive a Chhuanthar 4C ah dah luh an ni
Post a Comment