Vawiin khan Assam Police te chuan Mizoram Camp a siruk luahin Mizoram Sawrkar sak an rawn luah a, puanin zarna tur nen rawn lutin Assam Police te inkulhna tur puanin kaihna tur nen an rawn thawk rik hle.
Assam lam hian an mipuite an rawn thawn chhuahpui bawk a, heng Lailapur atanga rawn chho tur Mizo motor an lo vuak chhiat bakah motor neitute hi kut an lo thlak bawk. Hemi hnu hian Vairengte khawtlang thinrimin Assam lirthei te an khawih ve ta a, Assam ho puanin kaihna tur te chu laksak an ni.
Hemi hnu hian (Dar 3:00 bawr vel a ni ang) Assam mipui lamin Vairengte mipuite an rawn au el a, mipui leh leh mipui intawng karah Assam chuan Mizo mipui te chi Tear gas a rawn kapin Silai an hmet puak zui ta a ni. Silaia puah takah hian Mipui an inthiar fihhlim zuiin hmun him lamah an insaseng a, Force leh Force an inbei ta a ni.
Inkah atanga minute li velah Assam Police te hi a thei thei an tlanchhia a, an silai an tlanchhiatsan te hi CRP in an rawn saseng sak an ngai hial a ni.
Vawiin inkahnaah hian Mizoram IR pakhat chu a banah kah thawi a ni a, Mizo civil mi pakhat chu Tear gas puakin a per avangin hliam tlem a tuar bawk a ni.
Hetihlai hian inkah zawh hian Assam Police te hi an bo vek avangin CRPF ten an ruang an rawn seng hawi a, an silai tlansante an rawn khawmsak bawk a ni. CRPF-in ruang an seng hawi hmuh theih chinah Assam lam hi paruk an thi a, an zingah hian SI pakhat a tel bawk a ni.
Assam Police zingah hian Trench khurah tang pathum tlanchhe ve thei lo an awm a, heng mite hian Flag Var an rawn zar a, inkah hi tihtawp zui a ni ta a ni.
Reported by -Zmp Tlau
Post a Comment