Lawngtlai, 06 July, 2021 : Vawiin July 6, 2021 hi Mizo Hmeichhe Insuihkhawm Pawl (MHIP) Day vawi 47-na a ni a, he hun hi hri leng avangin a huhoa hman theih ni lo mahse, MHIP Sub-Hqrs., Lawngtlai te chu an day pualin an luangchhuak a, MHIP Sub-Hqrs., Lawngtlai mai bakah hian Branch MHIP te pawh a theih ang angin an luang chhuak bawk.
MHIP Sub-Hqrs., Lawngtlaite hian Lawngtlai DLTF hnenah Rs. 10,000 an hlan a, Kawlchaw Branch te pawhin Lawngtlai DLTF hnenah Rs. 10,000 an hlan bawk.
Vathuampui Branch chuan mi harsa 10 hnenah tanpuina an hlan a, Lawngtlai - III Branch ten damlo mi harsa 10 an tanpui a, Sr. Adviser chawimawina an nei bawk. M. Kawnpui Branch te chuan khawtlang an tifai a, hmeithai fa chawm ngai tanpuiin, upate an chawimawi bawk.
Bualpui NG Branch te chuan damlo kanin, thing an phun bawk. Electric Veng Branch chuan Lawngtlai damdawi in 3 ah puan 40 theuh pein, CHL ah Rs. 3,000 an pe. Mission Veng Branch te chuan VLTF thingpui in nan Rs. 1,000 an pe a, Chandmary Branch chuan Lairam Motherless Home-ah Rs. 2,000 an pek bakah Toothpaste leh Sahbawn an pe bawk.
Mampui Branch chuan tawngtaina tlang tifaiin, Bungtlang South Branch in Nauawmna School an tifai. Bethel Veng Branch chuan khawtlang an tifai a, S. Lungpher Branch chuan damlo 3 hnenah Rs. 500 theuh pein, PHC compound an tifai bawk. Chawnhu Branch te chuan chhungkaw 7 hnenah Tel, Dal, Chini, Purunsen, Alu leh Buhfai semin, khawtlang tihfai hna an thawk bawk. Council Veng Branch chuan an member Pi Z. Ngunchhini, MDC lawmpuina Tawlhlohpuan leh Citation an hlan a, VLTF hnenah Rs. 2,000 an hlan bawk.
Vawiin MHIP Day-ah hian Pi Z. Ngunchhini, MDC chuan MHIP Sub-Hqrs., Lawngtlai hnenah Rs. 2,000 a pe bawk.
Post a Comment