SAMPLE ENDIK 2779 ATANGIN COVID-19 POSITIVE 193 HMUHCHHUAH THAR AN NI A. ZA ZELAH 6.94% A NI
Lawngtlai 20. June,2021 : June ni 19, 2021 khan ZMC RT-PCR laboratory-ah COVID-19 positive 74 hmuhchhuah a ni a. TrueNAT laboratory-a sample test zingah COVID-19 positive 5 an awm bawk a, Rapid Antigen Test hmanga COVID-19 positive hmuhchhuah thar 114 an awm thung a ni.
Nimin khan Sample endik 2779 (Mipa - 1620, Hmeichhia - 1159) an ni a. Heng zing ah hian Covid-19 positive 193 niin Symptom nei 100, Symptom nei lo 93 te an ni. Sample endik atangin positive hmuhchhuah zat hi 6.94 % a ni a. Mihring 1000 zela positive hmuhchhuah tawh zat chu 15 (2011 census zulzuiin) a ni. Mihring 1,00,000 zela Covid-19 vanga nunna chan tawh zat chu 7 an ni. Nimin khan Covid-19 positive enkawlna atangin 271 chhuahtir an ni.
District 11-a Covid-19 positive dinhmun tlang pui : Aizawl District- 2912, Lunglei District-182, Siaha District-74, Champhai-22, Kolasib District-150, Serchhip District-16, Lawngtlai District-317, Mamit District - 18, Khawzawl District-12, Hnahthial District-4 leh Saitual District-26 te an ni.
Mizoram a Covid-19 vei tawh zawng zawng hi 16,943 niin mipa 9722 leh hmeichhia 7221 an ni a. Hri vei enkawlna 13129 ten chhuhsanin nunna chan 81 an awm tawh a ni. Tun dinhmun ah hian Mizoram ah Covid-19 Positive enkawl lai 3733 an awm mek
ZMC RT-PCR Laboratory-a sample test te hi Aizawl District vek an ni a. 953 (Mipa - 542, Hmeichhia - 411) endik atangin Covid-19 positive 74 an awm a. Mipa 46 leh hmeichhia 28 an ni a. Symptom nei 25 leh Symptom nei lo 49 an ni.
TrueNAT Laboratory-ah hian sample 218 (Mipa - 130, Hmeichhia - 88) te endik an niin Covid-19 Positive 5 awmin mipa 1 leh hmeichhia 4 an ni a. Symptom nei lo vek an ni thung. Lunglei District - 3, leh Mamit District- 2 te an ni
Rapid Antigen Test hmanga sampel endik 1608 (Mipa - 948, Hmeichhia - 660) awmin Covid-19 positive 114 hmuhchhuah thar an awm. Mipa 54 leh hmeichhia 60 niin Symptom nei 75, Symptom nei lo 39 te an ni. Aizawl District ah hmuhchhuah an tam ber a 66 an ni, Lunglei-10, Siaha District-1, Kolasib District -14 leh Lawngtlai District-23
Nimin lama District hrang hranga an hmuh dan
1. Aizawl District - 140 2. Lunglei District - 13
3. Siaha District - 1 4. Champhai District - 0
5. Kolasib District - 14 6. Serchhip District - 0
7. Lawngtlai District - 23 8. Mamit District - 2
9. Khawzawl District - 0 10. Saitual District -0
11. Hnahthial District - 0
Nimin khan Covid-19 avanga nunna chan pali an awm a. Chungte chu : Pi Lalnunziri (64), Saron Veng Aizawl, Pi Lalramliani (59), Salem Veng Aizawl, Pu Rualtinkhuma (48),Kannan veng Aizawl, Pi Erichiya Devi (52), Muanna Veng, Aizawl te an ni a. Tin, tukin zing 1:45 khan Dr.Laltinchhawna (72), Zarkawt, Aizawl pawh a boral bawk. Tun ah hian Mizoram-ah Covid-19 avanga nunna chan 81 an tling tawh a ni.
Post a Comment