City midfielder Phil Foden chu Players’ Player of the Year leh Young Player of the Year awards dawng thei turin nominate a ni a, ani bakah hian Player of the Year dawng thei turin Ilkay Gundogan, Kevin de Bruyne leh Ruben Dias te pawh an hming chhawpchhuah a ni. Manchester United atangin Bruno Fernandes a lan bakah Tottenham striker Harry Kane pawh a hming a lang bawk.
English rawl thar kum 21 mi Foden hian season hmasa khan City tan competition hrang hrang 50 ah a inlan a, Premier League leh Carabao Cup an champion theihna kawngah leh Champions League final an luh theihna kawngah a thawhhlawk hle. City midfielder hian nikum September thla khan England senior team tan a khel tan a, manager Gareth Southgate hnuaia khel tur Euro 2020 ah England tan koh a ni bawk.
PFA Young Player of the Year hi player kum 23 hnuailam tana buatsaih a ni a, senior lam chawimawina pawh an dawng thei bawk a ni. Season khat chhunga PFA awardhi 1973-74 atanga kalpui niin a dawng kawp thei hi player 3 chiah an la awm a, Andy Gray (1976-77), Cristiano Ronaldo (2006-07) leh Gareth Bale (2012-13) te an ni. Tun tumah hian Young Player of the Year atan Bukayo Saka (Arsenal), Declan Rice (West Ham), Mason Greenwood (Manchester United), Mason Mount (Chelsea) leh Trent Alexander-Arnold (Liverpool) te nen an in el ang.
Hmeichhe lamah PFA Women Player of the Year dawng thei turin Women’s Super League champion Chelsea player 3 leh Manchester City player 2 an lang. Chelsea tang hian league topscorer Sam Kerr bakah Ann- Katrin Berger leh Football Writers lamin women’s footballer of the Year a an thlan Fran Kirby te an lang a, City atangin Lauren Hemp, Chloe Kelly leh Sam Mewis complete te an lang bawk a, club dang player tan hmun a awm lo.
Post a Comment