Nagaland Police ten NHIDCL General Manager BD.Janagde an man
Nagaland police te chuan National Highways and Infrastructure Development Corporation Limited General Manager BD Jangade chu chu eirukna thubuai kaihhnawiah an man.
Nagaland police te sawi danin tunhnaiah video pakhat chu social media-ah thehdarh a ni a, he video-ah hian Jangade chuan commission 0.5% pawm lo contractor te chu 1% commission lak luih sak an nih tur thu a sawi a ni. Hei vang hian BD Jangade chu eiruknaah a in hnamhnawih ngei nia a lan avangin thubuai an siamsak hnuah an man zui a ni. Man a nih hnuah Deputy Commissioner of Mokukchung, Nagaland chuan BD Jangade hi ‘the provisions of the Preventionof Corruption Act, 1988' tlawh chhanin thubuai an siamsak tih a sawi.
Hetih lai hian NHIDCL lam pawhin BD Jangade hi Border Roads Organisation lamah an sawn nghal thu ansawi ve bawk. “NHIDLC thuneitute chuan NHIDCLah General Manager (P) hna chelh mek Bhagwan Das Jangade, chu Executive Engineer (Civ), Border Roads Organisation-ah sawn nghal a ni,” tiin an tarlang.
Post a Comment