Lawngtlai June 17 : Vawiin June 17 khan Samagra Shiksha, Lawngtlai District chan tur zirlaibu chu Samagra Shiksha, State Project Office, Aizawl atangin Lawngtlai a lo thleng.
Lawngtlai District chhunga sorkar sikulte hnena a thlawn sem tur zirlaibute hi a thawhkhatna atan May thla atanga June 4 inkar khan a lo thleng a. Hri pui avanga sorkarin lockdown a puan chhunzawm avangin duh angin zirlaibu te hi a lo thleng thei lova, nimin khan a thawh hnihna 407 trip 3 lo thleng lehin, Lawngtlai District chan tur hi a zatve dawn a lo thleng tawh a. Zirlaibu lo thlen kim hun tur hi July thla a nih beisei a ni a, hemi thla vek hian sem chhuah theih beisei a ni.
Heng zirlaibute hi te Lawngtlai District chhunga sorkar sikul te hnenah Class 1-8 tan a thlawna sem tur a ni a. Zirlaibute hi a thlen kim hunah District Project Office, Lawngtlai atangin sikul a thlen theihna hmun zawng zawngah CRCC ten an sem dawn a ni.
Post a Comment