Lawngtlai June 6 : World Environment Day, 2021 denchhena Mizoram ENVIS Hub leh Mizoram Pollution Control Board ten Mizoram College zirlaite tana Online Short Speech Competition an buatsaihah Gov't. Lawngtlai College-a BA 4th Semester zirlai Lalrempuia Rokhum chu pakhatna a ni.
Lalrempuia Rokhum hi N. Lungleng khua niin, a pa hna avangin tunah hian Electric Veng, Lawngtlaiah an khawsa mek a. A pa hi Seventh Day Adventist Pastor Hrangkhuma a ni. Lalrempuia Rokhum hi kohhran thalai lamah pawh hruaitu lo ni tawh thin a ni. Youtube channel neiin, motivational speech tha tak tak a lo sawi tawh thin a ni.
Lalrempuia Rokhum hian kum 2012 khan Mizoram pum huap Drawing & Painting Competition on Energy Conservation ah pawh lawmman pakhatna a la tawh a, hemi avang hian Mizoram aiawhin Delhi-ah a kal tawh a. Kum 2018 khan Solar House, Mission Veng buatsaihah Ruihhlo dona kawnga mimal thawhhlawk ber lawmman a lo dawng tawh bawk.
Post a Comment