Thenzawl June 15 : Home Department hmalaknain Bihar Election-a duty, Pu Hrangthanga, IV Grade, Police Training Centre, Thenzawl; COVID-19 avanga boral ta chu Bihar Sawrkarin Ex-Gratia Rs. 30,00,000/- (Nuai sawmthum) a pe. Home Department hian January thla khan CEO, Mizoram kaltlangin ECI hnenah a lo zuk thlen tawh a. Bihar Sawrkar chuan Pu Hrangthanga nupui, Pi Lalawmpuii Bank Account-ah Ex-Gratia Nuai 30 hi an rawn pe ta a ni.

    Home Minister Pu Lalchamliana pawhin Bihar leh West Bengal Election-a duty I.R. Police leh Staff, COVID-19 avanga boralte chu State Sawrkar aṭanga ralna awm theite pek an nih tur thu leh, Election Commission Of India (ECI) aṭanga compensation claim tura hma laksak an nih tur thu a lo sawi tawh bawk.

    State pawn Election-a duty, vanduaithlak taka COVID-19 avanga boral ta I.R. Police-te ngaihsak zui an ni hi thil lawmawm tak a ni a. Election duty-a kal I.R Police/Staff boral ten compensation an claim theihna tura rang taka hma laksaktu Home Minister leh Home Department pawh an fakawm hle a ni.

Post a Comment

Powered by Blogger.