Yangon June 15 : Vawiin hian Myanmar sipaiin mipui thlan lal an paihthlak Aung San Suu Kyi-i thubuai dang ngaithuah leh a ni dawn.
Vawiina an ngaihtuah tur hi sawrkar laka hel tura mipui fuihpawrhtua puhna chungchang a ni dawn a. Hetah ringawt pawh hian thiam loh chantir a nih chuan anmahni danin kum 14 chhung lungin tan theihna tur a ni.
Aung San Suu Kyi-i hi inbiakna hmanrua (walkie-talkie) chu license tel lova nei-ah puh a lo ni tawh a. Covid-19 inkhuahkhirhna dan bawhchhiaa puh a ni tawh bawk.
Hemi hnu hian eirua-ah leh sawrkar thuruk palzutah puh leh a ni a. Mihring dikna leh chanvo humhimtu pawl (Human rights group)-te chuan a thubuai an kalpui dan hi an dem thu an sawi a, inthlan leh huna a chuh ve theih tawh lona tura danbeh tumna hmanruaah an ngai a ni.
Kum 75-a upa Aung San Suu Kyi hi kumin February ni 1 atang khan hren a ni a. Hemi ni atang hian a chanchin hriat tur a tlem hle a. Ama danhremi pawhin vawi 2 chiah a la hmu a ni.
Post a Comment