Lawngtlai 07.05.2021 : Vawiin Lawngtlai khawpui leh District chhunga thil thleng thenkhat kan hriat theih chin te.
1. Thingkah IR Bn.CCC atangin positive dam mi pathum Mipa 2 leh hmeichhe 1 an chhuak.
2. LADC Conference Hall-ah 11th LADC a nominated MDC pali te chu Pu V.Zirsanga, Chairman LADC in rinawmna thutiam tirin a la lut fel ta.
Tarlan tawh angin Nominated member te hi Pu Lalramfawna, Pu Lalthanmawia Colney, Pi Z.Ngunchhini leh Nl C.Biakthansangi te an ni.
3. Vawiin hian Lawngtlai khawpui chhung a Veng sawm pahnih (12) a Executive Duty-te chuan dan bawhchhia mi 44 an man a, heng an mi mante hi pawisa Rs 4,400/- chawitir an ni.
4. Lawngtlai District ah Covid-19 hri kai thar hmuhbelh leh an ni a. Lawngtlai Town ah chuan awm rih lo. Borapansury lam ah mi pali kan nei thara, 2 chu Home Isolate in an awm ang. 2 dang chu CCC, Chawngte ah dah luh an ni.(Hmeichhia 3 leh Mipa 1 an ni)
5. Vawiin hian Covid-19 vaccine pek chhunzawm leh ani a. Heng ah te hian pek an ni
1) Vawmbuk
2nd dose
VLTF = 22
45 - 59 yrs (Comorbidities) = 11
60 yrs above = 50
Total = 83
Vial used = 8
2) Council Veng (Kum 45-59 )
1st dose - 48 2nd dose - nil
60 above
1st dose - 15 2nd dose - 1
Frontline worker
1st dose -12 2nd dose -1
Total = 77
Vail hman zat -8
6. Pu NC Lalniliana s/o Upa NC. Nguntlunga pawh phai lama a duty na lamah a positive tih hriat chhuah a ni a, positive te tan theih tawpin i tawngtai ang u.
7. Bungtlang South a kangmei tuarte tan a In an sak panga pawh luah theih tura peih fel ani tawh a. Tunah hian Bungtlang South Disaster Management Committee te hnena sum lut zat chu Rs 3,72,500 a ni. Tanpuina hi a lut mek zel bawk a. Bungtlang South mipuite'n tanpuina petu te chungah lawmthu an sawi a ni.
8.Vawiin May 7 khan Pu LN. Lalhmachhuana, Town Committee Chairman, LADC leh Bungtlang South bialtu MDC chuan Thingkah IR Bn. CCC a awm mek a bial chhung mi 3 te tan cheng 2000 theuh a pe
9. Hei hi a pawimawh deuh avangin District News ni lo mahse, lo tarlang hram teh ang.
Migrant Worker lo haw te in report-na tur hriattirna
India ram chhungah COVID-19 2nd Wave in nasa taka min nghawng mek a. State hrang hranga Mizoram mi leh sa thalai hnathawk, he hrileng avanga lo hawte chhinchhiah leh mimal taka hriatchian a nih theih nan Mizoram Youth Commission (MYC) chuan an in report-na tur Google Form, a hnuaia link tarlanah hian a buatsaih a ni.
https://forms.gle/CoRYevyiyA6D1RTr9
Post a Comment