Lawngtlai 04.05.2021 : Vawiin lama Lawngtlai khawpui leh District chhunga thil thleng hrang hrang kan hriat theih chin ;
1. Covid Care Centre atangin Mipa 2 dam taka chhuah tir an ni.
2. Thingfal khawtlang (VC,YMA, MHIP leh MUP) ten Bungtlang South Kangmei tuarte tanpuina Rs 29,550, bungbel etc an hlan.
3. CHC Chawngte bultum in Govt High School Chawngte ah Covid-19 Vaccine pek chhunzawm a ni
4. PHED Lawngtlai Division ten Lawngtlai khawpui chhunga tui connection nei ten online payment an tih theihna chu District Bawrhsap Dr.Andrew .Vanlaldika'n a hawng
5. Chawngte 'P' khaw mipuite tui lakna lui te tuihna a that loh avang in Pu HC.Lalengkima'n Chawngtelui ah tui chawiin tui nei lote a sem.
6. Vawiin 3:00 bawr vel khan Lawngtlai khawpui ah ruah a sur nasa hle a. Khawpui chhung ah chhiatna lian tham thleng a awm lo.
7. Zanin tlai ruah sur avangin Lawngtlai-III a lei tla hniam thin, kawng zawh theih tura an siam zawh tak chu, ruahtui a tam bawk si a. A lei hi a tla muk deuh avangin lei khi angin a lang nasa deuh a. Thil hlauhawm tak chu a ni hran lova. Mampui road a KMMTTP road erawh leimin a awm avangin lirthei eng emaw zat a tang
8. Vawiin hian hriat theih chin ah Saizawh East ah Covid-19 hri kai thar pathum an awm a. Bungtlang South ah hri kai thar pahnih an awm a. Chawngte ah kai thar pahnih an awm belh bawk ani.
Post a Comment