Taiwan chuan Covid 19 avanga damlote enkawl nan India hnenah Oxygen Concentrator 150 leh Cylinder 500 chu a hmasa atan New Delhi ah a thawn thleng a, hei bak pawh hi Taiwan hian rawn pek belh leh a la tum. Chung zinga Oxygen Concentrator 15 leh Oxygen Cylinder 15 chu, 𝐋𝐨𝐤 𝐒𝐚𝐛𝐡𝐚 𝐌𝐏, 𝐏𝐮 𝐂.𝐋𝐚𝐥𝐫𝐨𝐬𝐚𝐧𝐠𝐚 𝐥𝐞𝐡 𝐈𝐧𝐝𝐢𝐚 𝐅𝐨𝐫𝐦𝐨𝐬𝐚 𝐅𝐨𝐮𝐧𝐝𝐚𝐭𝐢𝐨𝐧 𝐂𝐡𝐚𝐢𝐫𝐦𝐚𝐧 𝐏𝐮 𝐉𝐨𝐧𝐚𝐭𝐡𝐚𝐧 𝐋𝐚𝐥𝐫𝐞𝐦𝐫𝐮𝐚𝐭𝐚 𝐭𝐞 hmalaknain Mizoram State chu pek kan ni ve hlauh mai.
Oxygen Concentrator hi Delhi aṭangin Indigo Flight-in rawn phurh a ni a. Nilaini hian Aizawl lo thleng fel tura beisei a ni. Cylinder pawh hi rawn thawn chhoh tura buaipui mek niin reiloteah Aizawl lo thleng tura beisei a ni bawk.
Hemi hma hian Pu C.Lalrosanga, MP chuan New Delhi-a Covid-19 avanga Mizo damlote hman atan Mizoram aṭanga New Delhi-a Oxygen Cylinder thawn thlakna chungchang Chief Minister Pu Zoramthanga leh Sorkar hotu dangte sawipuiin hma a lo la tawh bawk a ni.
Post a Comment