Lawngtlai 14.05.2021 : Vawiin Ni 14.05.2021 a Lawngtlai District leh Mizoram a thil thleng thenkhat te rawn tarlang leh dawn ta ila. Covid-19 laka mipuite kan him theihna turin sorkar thupek te zawm I tum hram hram ang u.
1. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 12 manin, he'ng an mi mante hi pawisa ₹ 1,200/- chawitir an ni. Heng dan bawhchhia mante hi vantlang hmuna hmai tuamna (mask) vuah tha lo leh inkhuahkhirhna zawm lo te an ni a. The Mizoram (Containment and Prevention of the Spread of COVID-19) Act, 2020 hmanga hrem an ni.
2. Vawiin Ni 14.05.2021 hian Covid-19 vei enkawl na hmun atangin mi 90 te chu dam taka chhuah tir an ni. Aizawl-46, Lawngtlai-4, Lunglei-11, Mamit-1 leh Serchhip -28
3.AMC Ward XVII Councillor Pu David Zohmangaiha, Republic Veng chu vawiin (14.05.2021) khan RAT hmanga swab sample endik atangin Covid-19 positive tih hmuhchhuah a ni
4.Covid-19 hrileng avanga inkharkhipna hman mek chu boruak awm dan thlir Chung zelin, mipui him zawk nan Ni 24.5.2021 zing dar 4:00 thleng pawhsei ani.
5. Inkhuahkhirhna hman ṭan April 21 aṭanga vawiin thlengin Lawngtlai Vengpuiah Inkhuahkhirhna dan bawhchhia man leh chumi avanga pawisa chawi tir an la awm lo. Mipuiin inkhuahkhirhna dan an zawm ṭha hle tih a lang.
6.Vawiin khan Lawngtlai District a hri danna pek chhunzawm zel ani a. Hetiang hi an pek dan ani.
I) Chawngte
1st dose - 3 (HCW)
1st dose - 136 (FLW)
2nd dose - 23 (FLW)
1st dose - 66 (45-59 yrs)
2nd dose - 39 (45-59 yrs)
1st dose - 26 (60+)
2nd dose - 17 (60+)
ii) Sangau
1st dose - 28 (45-59 yrs)
1st dose - 1 (60+)
iii) Saizawh East
1st dose - 20 (45-59 yrs)
1st dose - 11 (60+)
iv) Ajasora
2nd dose - 4 (HCW)
1st dose - 1 (FLW)
2nd dose - 15 (FLW)
1st dose - 101 (45-59 yrs)
1st dose - 36 (60+)
v) Vengpui
1st dose - 3 (HCW)
1st dose -1 (FLW)
2nd dose - 1 (FLW)
1st dose - 70 (45-59 yrs)
1st dose - 13 (60+)
7. Inkharkhip hun chu Dt 24.05.2021 zing dar 4:00 thleng pawhsei a ni a. Inkharkhip hun chhung hian Thawhlehni leh Zirtawpni chu mipui mamawh lakkhawm hun atan dawr Hawn hun siam ani ang a. Bazar-na atan lirthei erawh ken a rem lo thung ang.
8. Vawiin khan Muallungthu Village Council te chuan Zoram Medical College hmun atan Primary School leh Middle School ram bakah Mauphir ram tin 50 hmun chu ZMC hnenah an pe a. An ram pekna lehkha hi Health Minister Dr.R.Lalthangliana hnenah an hlan nghal ani.
9. Lawngtlai khawpui chhung a retailer te chuan sorkar thupek zawmin E-pos machine hmanga Buhfai sem tur an tih angin Buhfai sem chhuah a ni a. Nimahsela, internet facility kan neih that tawk loh avangin harsatna tam tak an tawk a ni.
10. Vawiin hian Lawngtlai District ah Covid-19 positive thar hmuhchhuah a awm loh thu dawn a ni. He hri laka kan fihlim zel theihna turin mipuite thuawi ila, tawngtaina nen Pathian hnenah I thlen fo ang u
Post a Comment