Lawngtlai 15.05.2021 : Burma ram a buai vanga Mizorama raltlân/refuges lo lutte hnenah Action Aid Association chuan nimin khan țanpuina țhahnem tak Sangau-ah an pe.
Țanpuina inpekna hi Sangau II Areopagi-ah neih niin; Pu Lalduhthiama President YLA, Sangau Sub Hqrs chuan a kaihruai a, he hunah hian Action Aid Association aiawhin Pu Zion Lalremruata, Chairman, Mizoram Rural and Agriculture Development Society (MIRADS) chuan thusawina a nei a, Burma rama mahnia thuneihna inpe chawpten mipui thlan tlin Sawrkar an paih thla chu khawvelin a pawm loh bakah zohnahthlak kan unaute thlabar taka an awm chu pawi an tihzia leh an tawrhpui ani tih entirnan ActionAid Association chu alo penchhuak a ni tih a sawi.
Thilpekte hi Buhfai Dal,Tel,Face Mask,Hand Sanitizer leh Sanitary Pads te ani a, heng te hi Young Lai Association (YLA) Sangau Sub Hqrs chuan an area chhunga Village Council 10 a raltlân/refuges te an sem dawn a ni.
Post a Comment