Lawngtlai 13.05.2021 : Vawiin Ni 13.05.2021 a Lawngtlai khawpui leh Lawngtlai District a thil thleng langsar zualte.



1. Vawiin, 13.05.2021 khan Lawngtlai District-a COVID-19 positive enkawl dam  mi 3 (IR Qtrs CCC, Thingkah aṭangin 1M & 1F leh Chawngte CCC aṭangin 1F) chhuahtir an ni.

2. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 19 manin, he'ng an mi mante hi pawisa ₹ 2,900/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 547 man tawh niin, pawisa chawitir zat hi ₹ 61,950/- a tling tawh a ni.

3. Vawiin khan Vengpui ah positive contact mi 65 te test an ni a. Vanneihthlak takin tumah Positive hmuhchhuah an awm lo

5. Vawiin khan Mizo PUBGM Ladies Association te chuan Bungtlang South a kangmei tuarte tanpuina atan Rs 30,160 an hlan. Heng ho hi Tunlai thalaite game an khelh uar em em PubG khel thin te an ni.

6. Vawiin khan a tum  thumna atan AH & Vety Farm, Mampui, chuan Ar awpkeutirna khawl Hatchery atanga tharchhuah Ar tui tam chi Rainbow Rooster Layer note  an hralhchhuak.

 Vawiina an hralhchhuah Layer te hi Zoram Poultry Development Society, Aizawl kaltlangin Hyderabad ami Artui lei a ni a, heng Arte te hi pakhat Rs 60/- zelin ,  Lawngtlaia AH & Vety Complex ah hralh chhuah ani.

7. Vawiin khan Lawngtlai khawpui ah Bazar hun Hawn a ni a. Mipuite pawh kan fimkhur thiam tan hle a. VLTF te leh Executive duty te an chetha hle bawk ani

8. LADC a Land Revenue & Settlement Dept.chuan thuchhuah an siam a. COVID-19 hrileng avangin hmun hrang hrang leh kawng hrang hrangin harsatna kan tawk mek a ni a. Hetih rual hian LADC area chhunga sumdawng thenkhatte'n hetiang hun hi remchang la in lockdown hma aia to zawkin bungrua an hralh thin tih report dawn ani, an ti a. Lockdown hmaa an rate aia sanga thil hralh an awm chuan an License cancel sak an ni ang, tiin thuchhuah an siam

Post a Comment

Powered by Blogger.