Lawngtlai 12.05.2021 : Vawiin Ni 12.5.2021 a Lawngtlai khawpui leh Lawngtlai District chhungah thil pawimawh thenkhat te tarlan han tum leh ila. Hemi bakah hian kan hriat atan kan District chhung ni Kher lo, vawiin lama thil thleng te pawh tarlan kan tum dawn nia.
1. Vawiin Ni 12.05.2021 hian Lawngtlai khawpui chhung Veng 12-a Covid-19 Executive Duty te chuan dan bawhchhia mi 8 manin, heng an mk mante hi pawisa Rs 1,700 chawi tir an ni.
2. Vawiin khan CEM hovin DM&R on Covid-19 Committee neih ani a. LADC in District Hospital tan Lab.Technician mi pathum chu thla thum chhung atan rawih sak an tum.
3. MJA Lawngtlai District te chuan Chief Minister Pu Zoramthanga hnenah MJA te chu Frontline worker zinga chhiar tel an nih theihna turin ngenna an thlen.
4.Lawngtlai East Bialtu MLA Pu H.Biakzauva chuan a bial chhunga VLTF te hnenah Rs 10,000/- theuh a pe a. Hei hi DLTF kaltlang a pek tur an ni ang.
5. Vawiin khan Lawngtlai District ah hri danna pek chhunzawm leh a ni a. Heng ah te hian pek an ni.
I) College Veng
1st dose - 2 (HCW)
1st dose - 47 (45-59 yrs)
1st dose - 16 (60+)
ii) Bethel Veng -
2nd dose- 1 (FLW)
1st dose -15 (45-59 yrs)
1st dose - 4 (60+)
iii) Chandmary
1st dose - 4 (HCW)
1st dose -9 (FLW)
1st dose -49 (45-59 yrs)
1st dose -10 (60+)
iv) Bualpui Ng
2nd dose -2 (FLW)
2nd dose -3 (45-59 yrs)
2nd dose -10 (60+)
6. Pu H.Lalramfawna, MDC chuan VLTF Mampui te tlawhin a tul anga an hman atan Rs 1500 a hlan.
7. Mizoram chhunga eirawngbawlna Gas zuartu pawl,Mizoram Indane Distributor Association te chuan Covid-19 hripui kai hlauh vanga an pawlin an anga gas semchhuah tihtawp lailawk chu titawpin vawiin atangin gas an sem chhunzawm leh nghal
8. DCSO Lawngtlai hnuaia Godown pasarih ah Buhfai a awm tha a, retailer ten Buhfai an khul chhuak mek a, mipuiah SOP dan zawm chungin sem mek ani.
9.Vawiin khan Lawngtlai District ah hri kai leh kai lo endik chhunzawm zel ani a. Vanduaithlak tak in Lawngtlai khawpui chhungah hri kai pathum hmuhchhuah an ni.
Lawngtlai- Vengpui mipa 1, Council veng mipa 1 leh Police OC lo awm tur Bethlehem, Aizawl a mi mipa 1 te an ni. Council veng a positive an hmuhchhuah hi self test a ni a, midang pahnih hi Aizawl atanga lo phei niin quarantine lai an ni.
Post a Comment