Lawngtlai 12.05.2021 : Vawiin khan Lawngtlai District MJA te chuan Journalist te chu Covid-19 Frontline worker a chhiar an nih theihna tura hmalasak turin Chief Minsiter Pu Zoramthanga hnenah ngenna an thlen.
Lawngtlai District MJA te hi an President Pu Lalngheta Ralte hovin, vawiin khan Chief Minister hnenah ngenna an siam a. He an ngenna hi Lawngtlai District Bawrhsap Dr Andrew H.Vanlaldika hnenah an hlan a, DC chuan a tul anga a tihtur te a lo bawhzui nghal tur thu MJA te hi a lo hrilh a ni.
Lawngtlai District MJA te chuan Lawngtlai District a MJA member te chu an hna avangin hrikai hlauhthawnawm tak tak ah an ding fo tih an sawi a. Hripui do na kawnga an dinhmun te sorkar chuan hriatthiam sak a, Covid-19 Frontline Worker ah an teltheih nan hmalaksak turin Chief Minister Pu Zoramthanga hi an ngen a, Journalist te hri do kawnga an dinhmun tlangpui leh an tangkai ve na te Lawngtlai DC hi an hrilh hre bawk a.
Post a Comment