Lawngtlai 11.05.2021 : Lawngtlai khawpui, Lawngtlai District leh Mizoram hmun danga thil thleng pawimawh te, han tarlan leh ila.
1. Vawiin khan Lungtian a Whatsapp group pakhat (Lungtian General Group Admin te chuan an remchan an tawk pawisa thawhkhawmin, Lungtian I & II a Village Level Task Force te hnenah tanpuina Rs 2500/- ve ve an hlan
2. Vawiin Ni 11.05.2021 hian Lawngtlai khawpui chhung Veng 12-a Covid-19 Executive Duty te chuan dan bawhchhia mi 12 manin, heng an mi mante hi pawisa Rs 3,000/- chawitir an ni. Lawngtlai khawpui chhung veng pali ah dan bawhchhia te hi man an ni a, Chung veng te chu, Thingkah ah mi pali, New Vengpui ah mi pahnih, Bazar Veng ah mi pahnih leh Chandmary ah mi pahnih te man an ni.
3. Vawiin Ni 11.05.2021 khan Lawngtlai District-a Covid-19 positive enkawl dam mi 4 chhuahtir an ni.
4. Vawiin hian Lawngtlai khawpui chhungah Covid-19 positive hmuhchhuah thar an awm lova. Vanduaithlak takin Kamalanagar ah positive pakhat hmuhchhuah thar an awm thung a ni.
5. Covid-19 hri danna Lawngtlai District ah pek chhunzawm zel a ni a. Hetiang hi vawiin a an pek dan a ni.
I) Kawlchaw
1st Dose - 19 (45-59 yrs)
1st dose - 4 (60 +)
ii) New Vengpui
1st Dose - 18 (FLW)
2nd dose - 1 (FLW)
1st dose - 32 (45-59 yrs)
2nd dose - 1 (45-59 yrs)
1st dose - 5 (60+)
iii) Bualpui Ng
2nd Dose - 31 (FLW)
2nd Dose - 44 (45-59 yrs)
2nd Dose - 107 (60+)
6. P&E Department, Lawngtlai SDO Pu Lalhmingthanga chuan Total Lockdown chhungin Office-ah Eletric bill a pek theih dawn loh avangin, Online hmanga bill pe turin mipuite min ngen a ni.
7. Serchhip biala term khat chhung kal meka MLA atana tum hnih thlan nawn Pu Lalduhoma chuan, ZPM Legislature party a zawm theih thu leh hemi chungchang chu an party hotute’n an la ngaihtuah dawn tih vawiin a MLA atana an lak luh hnu hian Chanchinbumite hma ah a sawi.
8. Power & Electricity Department Minister Pu R.Lalzirliana chuan Covid-19 a kai tih hmuhchhuah a ni a, a rual hian a nupui Pi Lalthangmawii pawhin a kai. Vawiin khan RAgT test hmangin Pu R.Lalzirliana (71) leh a nupui Pi Lalthangmawii (51) te hi endik an ni a, anmahni In, Armed Veng Aizawl-ah inkhunghrang nghalin enkawl mek an ni.
9.Assembly Speaker Pu Lalrinliana Sailo chuan, MLA atana Pu Lalduhoma lakluh hun tura ruahmanna an siam hmasak an thulh chhan chu sorkar-in hri leng laka inkaihhruaina a siam SOP an zah vang anih thu vawiin khan thuthar thehdarhtute a kawmna ah a sawi.
10. Mizoram in Internet a lakna pui ber Power Grid Corporation of India Ltd (PGCIL) atanga a hmuh a khawpkham tawh lova, bandwith bun belh turin hmlak mek anih thu Information & Communication Technology (ICT) Department Minister Pu Robert Romawia Royte chuan a sawi.
11. Vawiin khan Lai Students Association Sub-Hqrsm Chawngte chuan Pu M.Laltanmawia damlo chu Rs 10,000/- an tanpuina an hlan.
12. Kolasib District Bawrhsap chuan Gas, Petrol leh Diesel zawrh emaw dahthat chungchangah thuchhuah a siam a. Kolasib District chhungah mihring chenna huamchhung leh a chhehvelah dan lo a Gas, Petrol leh Diesel zawrh emaw dahthat phal a ni lo. Thupek zawm lo chu dan angin hremna pek an ni ang, a ti.
13. Leitlangpui Manchester United Fans (Manchester United tantu pawl intelkhawm) te chuan Bungtlang South-a kangmei tuarte tanpui nan Rs 16610/- an hlan. Tanpuina pawisa hi Bungtlang South-II VCP Pu.J. Lalrinmuana chuan a dawng
Post a Comment