Lawngtlai 10.05.2021 :  Vawiin Ni 10.5.2021 a Lawngtlai khawpui leh Lawngtlai District chhungah thil pawimawh thenkhat te tarlan han tum leh ila. Hemi bakah hian kan hriat atan kan District chhung ni Kher lo, vawiin lama thil thleng te pawh tarlan kan tum dawn nia.



1.Vawiin, 10.05.2021 khan Lawngtlai District-a COVID-19 positive enkawl dam *mi 6 (IR Qtrs CCC, Thingkah aṭangin 1M & 1F leh Chawngte CCC aṭangin 2M & 2F) chhuahtir* an ni.


2. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 18 manin, he'ng an mi mante hi pawisa ₹ 2,600/- chawitir an ni.


3.Vawiin khan Zoram Driver Union Sub-Hqrs, Lawngtlai ten COVID-19 donna atan Lawngtlai District Bawrhsap hnenah Rs 5000/- an hlan.


4. Vawiin Ni 10.5.2021 khan Lai Autonomous District Council Area a Village Council pakhat Tuichawngtlang VC te thla thum chhung atan suspend order tihchhuah a ni a. Care taker atan heng mite hi dah an ni.

I) Jonerung S/o T.Soitomoni as Caretaker VCP

ii) Tainsoinma S/o Badula (member)

iii) Subaha S/o Badula (member)



5. Vawiin kha Pu L.Daniala, MDC Bualpui 'Ng' East chuan Bualpui Ng-II leh Lungzarhtum VLTF te hnenah an Veng/khaw chhunga chhuanchham  an lo awm pawh a, a tul anga an hman atan Rs 5000/- ve ve a hlan.



6. Vawiin Lawngtlai District ah Covid-19 sample endik chhunzawm zel a ni a. Lawngtlai khawpui chhungah hri ve hmuhchhuah thar an awm lova, Borapansury ah mipa 1 positive hmuhchhuah thar a awm thung ani.



7. Vanduaithlak takin tukin zing dar 5:00 Pi Lalthianghlimi (68) Kannan Veng Aizawl chu Covid-19 avangin a boral.



Pu Isaac Rochunglura S/o Rev C.Zatawna, BCM Missionary, HUTO A.P West Field a thawk chu CHIMPU Hospital ah a boral a. A ni hi Covid-19 avanga enkawl niin a dam tawh tiin an chhuah tir a. Vawiin tlai lam khan a thaw a hah thut a, a boral zui ta a ni



8. Lunglei Civil Hospital TrueNat Laboratory-a hman tur Molbio TrueLab Uno Dx khawl pakhat chu H&FW Department ruahmannain vawiin khan Aizawl atangin Lunglei rawn phurh phei niin tlai dar 4-ah khan Lunglei Civil Hospital rawn thlen pui a ni.



9. COVID-19 laka mipui himna tura a tul apianga hman turin mimal, pawl leh kohhran atangin tanpuina Chief Minister's Relief Fund for COVID-19 ah hmuh thin a ni a. Vawiin khan a hnuai a mite hnen atang hian tanpuina dawn a ni:


1) Mizo Conference of Seventh-Day Adventists - Rs. 2,00,000

2) Baptist Church of Mizoram - Rs. 10,00,000

3) Kulikawn Presbyterian Kohhran - Rs. 2,00,000

4) Pu Mamon Majumdar, Kulikawn, CAM Secretary - Rs. 1,00,000



10. Sorkar laipui ruahmanna anga India Independence Day Vawi 75-na lawmna ‘Azaadi Ka Amrut Mahotsav India at 75’ hman mekah vawiin nileng khan Art & Culture Department leh Higher & Technical Education Department-te buatsaih Online Seminar on First War of Independence 1857 chu ZOOM hmanga neih a ni a. He seminar hi Government Aizawl College-in a thleng (host) a ni.



11. Vawiin khan Mizoram ah Covid-19 vei enkawl dam 86 ten Covid Care Centre an chhuahsan. Heng CCC te hi Aizawl, Lunglei, Lawngtlai, Mamit, Champhai leh Serchhip te an ni



12. Vawiin khan Lawngtlai khawpui leh Chawngte ah te Hri danna an pek chhunzawm leh a. Hetiang hi an pek dan a ni.

I) Lawngtlai-III 

1st dose - 50 (45-59 yrs)


ii) Bazar 

1st dose - 9 (FLW)

2nd dose - 1 (FLW)


1st dose - 22 (45-59 yrs)

1st dose - 6 (60+)


iii) Thingkah

1st dose -35 (45-59 yrs)


1st dose - 21 (60+)

2nd dose - 2 (60+)


iv) Chawngte 

1st dose - 1 (HCW)

2nd dose - 1 (HCW)


1st dose -114 (FLW)

2nd dose - 9 (FLW)


1st dose - 23 (45-59 yrs)

2nd dose - 29 (45-59 yrs)


1st dose - 11 (60+)

2nd dose - 9 (60+)

Post a Comment

Powered by Blogger.