May 7, 2021 a Mizoram Chief Secretary in May 10-17 chhunga Mizoram puma Total Lockdown kalpui tur tih thuchhuah a siam chu Lawngtlaiah pawh vawiin atang hian kalpui tan a ni dawn a. Hemi chungchangah hian Lawngtlai District Magistrate Dr. Andrew H. Vanlaldika chuan Lawngtlai District chhunga total lockdown kalpui dan turah thupek a chhuah.
Thuchhuaha a lan dan chuan mahni chenna khua chhuahsana zin veivah khap a ni a, loh theih loh thil chhiat tawh leh damlohna avanga mahni khua/district chhuahsana zin a ngaih chuan mahni awmna khua/veng VLTF hriatpuina lehkha nen an zin thei ang. Eichawp dawr, thlai, chawhmeh leh sa zawrhna te chu Ninga tlai dar 5 thleng hawn phal a ni. Mizoram sorkar hnuaia office zawng zawngte chu khar vek tur a ni a, DM&R, H&FW Home (Police, Fire & EmergencyServices, Home Guard & Civil Defence), Finanace & Treasury, District Administration, Civil Aviation leh I&PR te chu Covid-19 dona leh hna tul bikah an kal thei ang. Sorkar office dangte erawh ah chuan Head of Office ten hna tul bik leh tul zual thawk tur hminghmerhin office kal tur an ruahman ang.Central Gov’t Office leh Organisation te pawhin in pawimawh bik thawk turin a tlem thei ang berin offce kal tur an ruat ang.
Tin, hmasawnna hnathawh hrang hrang, Lo leh huan lama hnathawh, quarry-a lung lak leh a dangte chu Lawngtlai Town pawnah chuan inkhuahkhirhna awm lovin a kalpui theih ang a. Amaherawhchu heng hnathawktute hi khawpui chhungah veivah khap tlat a ni bawk.
Post a Comment