Lawngtlai 19.05.2021 : Social Media hrang hrang a  kan lo hmuh tawh thin angin Lawngtlai Bethel veng a Pi Tluanpuii, brain tumour avanga District Hospital Lawngtlaia enkawl mek te fapa, kum 7 mi chu vanduaithlak takin alo positive mai a. An chhungkua-ah awmpuitu tur an awm loh avangin Bethel veng tlangval tlawmngai, Lalremsanga chu CCC-a awmpui turin a inpe.

Lalremsanga hi John Robert Theological Seminary, Shillong a BD zirlai a ni.


Pi Tluangpuii (31) hi Khumi Hnam niin, a pasal, Valbawiha leh an fate pathum nen Lawngtlai Bethel vengah mi in luahin an cheng a. A an fate hi a upa ber kum 10, a dawttuhi kum 7 mi niin, a naupang ber hi kum 1 leh a chanve mi a ni. 

Tlemlai deuh atang khan Pi Tluangpuii hi a dam hleithei lova, an pa hi a rem rem thawk a inhlawh a, chhungkaw chawm a ni a. Hetia an nu a damloh takah chuan an fate leh an nu buaipuiin hna a thawk thei ta meuh lova, chumai bakah Covid-19 avanga Inkhuahkhirhna leh Lockdown in a nang chho ta si a an chhungkua hi an mangang hle a. Chutah Pi Tluangpuii hi Lunglei lamah refer a ni a, Lunglei kalna tur tak tak pawh an neih bik loh avangin Bethel veng VC leh YLA ten um leh pai te a tuamhlawmin an fate 2 pawh ṭhenawm khawveng ten theihtawp chhuahin an lo buaipui bawk.

Tun dinhmunah, Valbawiha hian inhlawhna tur pawh ngaihtuah dawn sela kan boruak tawnin a zirloh chu thuhran, an fanu te ber leh a nupui ngaihtuah ngai nen, an chhungkaw dinhmun hi a buaithlak ve hle a. Mi thahnemngai ten tanpuina te zawn sakin tunah hian an khawsa ve naw naw a. Hetihlai hian nimin (May 18,2021) khan Lunglei lama kal tura inbuatsaihin an in test a, an fapa hi vanduaithlak takin alo positive ve leh hlauh a ni.


-Kiddy Vanchhawng

Post a Comment

Powered by Blogger.