Lawngtlai 19.05.2021: Nimin khan Govt Region Higher Secondary School, National Service Scheme (NSS) Unit te chu luangchhuak in Chawnhu ah chhungkaw 14 te hnenah ei tur dal,alu,tel, neutrela leh artui an pe a. Tin, Executive Duty leh VLTF duty Bazar Veng te chhun thingpui in tur an pe bawk.
National Service Scheme te (NSS) thupui 'Not Me,But You' (ka tan ni lo,in tan) an neih angin, midangte tan an luangchhuak thin a. Kumin a mamawhtute hman atan thisen an pe bawk thin a ni.
NSS hi kum 1969 September 24 (Mahatma Gandhi birth Centenary kum)- ah din a ni a. A din tirh ah chuan University leh State thlan bikah te chauh hawn a ni a, student enrolment pawh 40,000 (singli) chauh an ni thei a. Mahse zawi zawiin University leh State hrang hrangah an hawn belh zel a, tunah phei chuan NSS enrolment chu India ram pumah phei chuan nuai sawmthum pali (34 lakh) lai a lo tling tawh a ni.
Mizoramah chuan Pachhunga University College-ah kum 1972 khan NSS hi din a ni a. Chumi hnuah College hrang hrangah din belh zel a ni. Kum 1996 atangin College-ah Pre- University (P.U) awm tawh lovin, Higher Secondary School lamah an kal tak avangin, NSS pawh Higher Secondary School lamah din a lo ni ve leh ta zel a ni.
Post a Comment