TKP NAZARETH UNIT TEN A MAMAWHTU TE HMAN ATAN THISEN UNIT 22 AN PE
Lawngtlai 29.05.2021 : Vawiin Ni 29.05.2021 hian Thalai Kristian Pawl, Nazareth Unit te chuan Lawngtlai Area TKP Blood Donation Calendar buatsaih zulzuiin Ramthim Ni pualin Blood Donation Camp neiin thisen Unit 22 pe in, mipa 15 leh hmeichhia 7 te thisen hi an pe a ni.
Thisen pek hma hian inkhawmna tawiin Unit TKP President Rbt Lalropuia'n hun a kaihruai a. Lawngtlai Area TKP Executive Committee membert Rbt C.Lalrokima'n Pathian hnenah hun hlan tawngtaina a neiin, vawiin a thisen pe thei tura TKP member te hriselna tha tak nei a, TKP Ramthim Ni pual thisen an pe thei chu lawmawm a tih thu a sawi a. Kumin a thupui 'Thil Tha ti atana siam' tih nen pawh inhmeh tak anih thu sawiin midangte tan TKP member te chu luangchhuak zel turin duhsakna a hlan a ni.
AVBD Lawngtlai Adviser Pu R.Lalbiakthanga pawhin thusawiin an neiin, Lal Isua'n a ngaihpawimawh tihdam rawngbawlna chhunzawm thei tura TKP memberte'n thisen an pe thei tur chu lawmawm a tih thu a sawi a. Thalaite thisen pe thei a hriselna tha an nei chu mi vannei bik an ni a ti a, khawvel hian thisen pe thin te hi a ngaisang em em a ni, tiin TKP member te chu hriselna tha tak nei a, thisen pek kawng ah hmala zel turin a sawm bawk a ni.
Post a Comment