Dr. Andrew H. Vanlaldika, Deputy Commissioner, Lawngtlai District chuan tun dinhmunah Thingkahah state danga atanga lo lut te screen na tur, Screening Point siam tumna a awm rih lo a ti.
Rauthla zawhna chhangin, Lawngtlai DC chuan state pawn atanga Lawngtlai nitin mamawh phur lo lut te hi Vairengte Screening point-ah RAgT test vek an ni a, chumi paltlangte chu Mizoramah an lo lut a, sorkar inkaihhruaina angin mPass- ah an in register vek bawk a, tun dinhmunah chuan an himah kan ngai a ti a. A tul viau a nih chuan Medical lama hotute nen inrawnin Screening Point hi la buatsaih a ni ang a ti.
Lawngtlai DC chuan Covid-19 hri leng avanga inkhuahkhirhna kalpui mekah Executive Duty te leh VLTF te inpekna chu fakawm a tih thu a sawi a. Sorkar sum indaihloh lai a nih avangin VLTF te pawh sorkarin lam atangin duh angin tanpuina a pek chhuah mai theih lohva, hemi chungchangah hian VLTF te pawhin sorkar dinhmun hrethiam a, ram mipuite tana tlawmngaih chhuah zel turin a ngen a. Tul leh mamawh tawpkhawk angah chuan a theih chin chinah kan in tanpui zel ang a ti bawk.
Tin, VLTF te duty senso leh CQC an buatsaihna kawngah mimal leh pawl thahnemngai ten pawisa an thawh thin a, hemi chungchangah hian DC chuan lawmthu a sawi bawk a ni.
Mipuite pawhin sorkar inkaihhruaina zawma, thuawina hi himna a ni tih hria a, Covid-19 chungchanga sorkar hmalakna zawm theuh turin DC chuan a ngen bawk a ni.
Post a Comment