Lawngtlai East bialtu MLA leh Mizoram sorkara Agriculture Development Board Vice Chiarman Pu H. Biakzaua chuan a bial mipuite a thlamuan a, hri leng karah chibai a buk bawk a ni.
Pu H. Biakzaua chuan, Covid-19 hri hlauhawm tak mai second wave chuan India ram mai ni lo, Mizoram pawh a nuai avanga hri kai kan pung chho leh, mitthi pawh nitin mai kan nei chu pawi a tih thu a sawi a. Mizoram Sawrkarin theihtawp chhuaha Covid-19 hri laka mipuite kan lo him tlan zawk nana ruahmanna a siamte zawm turin mipuite a chah a. Lockdown kar hnih chuang kan hman avangin hnathawk thei lovin kan awm a, inkhunghran te pawh a ngai a, hetih lai hian mipui ten thuawi taka sorkar hmalakna te zawm turin min chah bawk a ni.
Lawngtlai East bialtu MLA Pu H. Biakzaua chuan, lockdown chhunga a bial chhung mipuite a tanga chhuanchham emaw harsatna neite an lo awmpalh thei a, hetianga harsatna neite leh chhuanchhamte kan lo awm a nih chuan a hnenah inthlahrung lova sawi hreh lo turin a bial chhung mipuite a chah a. A bial chhung mipui tan an harsatna zawnah a tlanchhiat dawn loh thu leh bial mipuite a din reng dawn thu a sawi bawk a. Covid-19 hri laka an him zel theih nan duhsakna a hlan bawk a ni.
Post a Comment