Sample 3485 test atangin Covid-19 positive 239 hmuhchhuah thar an ni. Lawngtlai District ah Covid-19 positive 205 enkawl lai an awm

Sample 3485 test atangin Covid-19 positive 239 hmuhchhuah thar an ni. Lawngtlai District ah Covid-19 positive 205 enkawl lai an awm

Lawngtlai 28.May,2021 :May ni 27, 2021 khan Covid-19 sample test 3485 atangin Covid-19 positive  239 hmuhchhuah an ni. ZMC-RT-PCR Laboratory-ah Covid-19 positive 50 hmuhchhuah an ni a. TrueNAT khawl atangin Covid-19 positive 11 an bawk a ni.  Rapid Antigen Test hmanga Covid-19 positive hmuhchhuah thar hi 178 an awm thung a ni.

    Nimin khan sample test zawng zawng hi mi 3485 (mipa 2004, Hmeichhia 1481) a ni a, chung zingah chuan positive 239 hmuhchhuah thar an ni a. Sample an test atanga Positive hmuhchhuah zat hi 6.85% a ni. Tin, nimin vek khan positive enkawl lai mi 192 chu Covid-19 positive enkawlna hmun atanga chhuahtir an ni thung.

    Tun dinhmun ah hian Mizoram-ah hian positive enkawl mek 2861 an awm mek a. Covid-19 avanga nunna chan mi 34 an awm thung. Hri a lo len atangin hri kai mi 11382 an awm a. Heng zinga mi 6904 hi mipa an ni a, hmeichhia 4478 an ni a. Dam taka chhuak hi 8487 an ni.

    Mizoram a District 11 ah hri vei enkawl lai an awm vek a. Aizawl District ah 2200, Lunglei District 120, Siaha District 35, Champhai District 35, Kolasib District 87, Serchhip District 100, Lawngtlai District 205, Mamit District 21, Khawzawl District 12, Hnahthial District 0 leh Saitual District 46 -te enkawl mek an ni.

         Nimin khan ZMC RT-PCR Laboratory ah sample 952 test niin mi 50 an positive a. An zing a mi 28 chu mipa niin hmeichhia 22 an ni a. Symptom nei pakhat (1) leh Symptom nei lo 49 an ni. An vai hian Aizawl District vek an ni.

        TrueNat khawl hmanga positive an hmuhchhuah hi sawm pakhat (11) an ni a. Sample 175 endik niin mipa 109 leh hmeichhia 66 an ni a. Symptom nei pakhat leh Symptom nei lo 10 te an ni. Siaha District -7, Khawzawl District -3, leh Lunglei District -1 ah te positive hi hmuhchhuah an ni.

        Rapid Antigen Test hmanga hian sample 2358 endik an ni a. Mipa 1336 leh hmeichhia 1022 an ni. Heng an endik atang hian Covid-19 positive 178 an awm a. An zinga mi 123 chu symptom nei an ni a, mi 55 ten symptom an nei lo thung a ni. Aizawl District -99, Lawngtlai District-35, Lunglei District-20, Saitual District-10, Kolasib District-9, Serchhip District-2, Siaha District-1, Champhai District-1 leh Mamit District-1 te an ni.
    
Lawngtlai district (35)
Kamalanagar-II (16) : Mipa 8 (kum 6 - 59) leh Hmeichhia 8 (kum 10 - 41) an ni a. Positive contact atanga hri kai mi 6 leh hri kaina chhui ngai mi 8 an awm a, an zingah hian symptom nei mi 12 an awm a ni.

Kamalanagar-I (14) : Mipa 6 (kum 9 - 54) leh Hmeichhia 8 (kum 27 - 49) an ni a. Positive contact atanga hri kai mi 6 leh hri kaina chhui ngai mi 8 an awm a, an zingah hian symptom nei mi 12 an awm a ni.

Bethel Veng, Lawngtlai (2) : Mipa kum 18 & 32, inrinhlelh vanga sample test, hri kaina chhui ngai, symptom nei lo an ni.

Bazar Veng, Lawngtlai (1) : Hmeichhia kum 52, inrinhlelh vanga sample test, hri kaina chhui ngai, symptom nei lo a ni.

Kamalanagar-III (1) : Hmeichhia kum 22 mi, positive contact atanga hri kai, symptom nei a ni.

Kamalanagar-IV (1) : Hmeichhia kum 36 mi, positive contact atanga hri kai, symptom nei a ni.