MPCC/Media/PR-2021/25
Dated Aizawl the 1st May, 2021
 
Ram kang venna kawngah MNF sorkar a hlawhchham
 
Tun hnaia Mizoram a kangmei rapthlak tak tak chhuakte chu Congress Party chuan pawi a tiin, kangmei tuartute kan tawrhpui takzet a. Chutih rualin, heng kangmei rapthlak tak tak chhuakte hi MNF sorkarin Fire Prevention lama a hlawhchham zia lannaah pawm se kan duh hle a ni.
 
Sorkar hmasa lamah kha chuan Fire Prevention lamah sorkarin nasa takin hma a la thin a. District hrang hrangah DC hovin an meeting a, village levelah pawh school naupang etc ko khawmin kangmei venna programme siam a ni ṭhin. Tin, kangmei venna kawnga ti tha District leh khawtlang chawimawinate siam a ni thin bawk. Khatiang a kangmei laka invenna kawnga inzirtirna ang chi kha tunhnaiah hian Mizoramah a awm ngai ta miah lo a. Khua a kheng reiin, kangmei chhuah hlauhawm takah hun rei tak kan awm bawk si. MNF sorkar berin kangmei venna lam a ngaihthah miau si avangin Mizoram hmun hrang hrangah kangmei rapthlak tak kan tuar ta a ni ber.
 
Leilung chhiatna thleng hi politics a inbeihna chiah Congress Party chuan kan ngai lo a. Amaherawhchu, tun tuma kangmei chhuak hi chu Mizoram hmun hrang hranga a rual a thlen danah sorkarin kangmei venna kawnga hmalakna a neih mumal loh lutuk vanga thlengah kan ngai a ni. Tin, Forest Department changtu Minister TJ Lalnuntluanga pawh hian he kangmei rapthlak tak chhuak hi a mualphonaah pawm ngam se kan duh hle. Khua a thal nasat poh leh kangmei laka invenna kawngah uar zawka hmalak a ngai nasa a ni tih MNF sorkar leh a bikin, Forest Department changtu Minister TJ Lalnuntluanga te hian hre reng tawh se kan duh hle a ni.
 
                 Sd/-
(C. LALHRIATPUIA)
Secretary
MPCC Media Department

Post a Comment

Powered by Blogger.