Tukin zing dar 8 atang khan state 4 West Bengal, Assam, Kerala, leh Tamil Nadu leh Union Territory (UT) of Puducherry te inthlan vote tla chu chhiar mek a ni.
Election Commssion of India thupek angin party leh candidate te chu chak lawm avanga kawngpuia vah te a khap a, tin, tlinga puana candidate te chu certifiacte an lak dawnin mi pahnih ai tamin an tawiawm thei dawn lo.
West Bengal-ah hian CM nilai Mamata Banerjee kaihhruai Trinamool Congress leh BJP te chu an inbei ber. West Bengal-ah hian counting centre 108 siam a ni a, he centre te hi centre force company 256 in an veng a ni.
Kerela ah chuan CM nilai Pinaryai Vijayan telin assembly seat 140 ah candidate 957 an awm a, counting centre 114 a a awm bawk.
Tamil nadu-ah chuan Chief Minister K Palaniswami telin candidate 4000 an awm a, counting centre 75 a aw bawk.
Puducherry-ah chuan N Rangaswamy kaihhruai All India NR Congress leh BJP thawkdun leh Congress leh DMK thawkdun te an inbei ber a ni.
Assam-ah chuan counting official leh agent 35000 an awm a, counting hall tinah hian dawhkan 7 theuh a awm a, dawhkhan tinah hian micor-observer te an awm zel a ni. Dar 8 hian Postal ballot-a vote tlate chhiar a ni daen a, 8:30am ah EVM a vote tlate chhiar a ni ang.
Post a Comment