Lawngtlai 3rd May,2021 : MZP chuan Myanmar ram buaina avanga Mizorama Zohnahthlak raltlante buaipuitu tur relief committee a din.
Vawiina MZP Extended Office Bearer’s meeting neihah MZP chuan Myanmar atanga Mizorama himna zawnga lutte chungchang ngaihtuahin buaipui tur leh a tul anga hma la chhunzawm turin relief committee hi an din a. Committee hian Zohnahthlak te tana ding chungin a tul angin hma a la chhunzawm ang.
An pawl President B.Vanlaltana kaihhruaia thukhawm hian Myanmar-a mipui thlan MP-tena an din Committee Representing Pyidaungsu Hluttaw (CRPH) in April 16-a sorkar thar, National Unity Government (NUG) an din chu tha a ti a. Mipui sorkar thar hi India leh ram dang sorkar pawhin pawm ngei se an duh a ni.
MZP chuan Mizo unauten harsatna an tawh chu a awh rei zawng tur hriat anih loh thu sawiin, “He buainaah hian a tawp thlenga kan thisen zawmpui, kan unaute tana ding tlat turin Mizoram mipuite a sawm nawn leh a ni,” an ti.
Post a Comment