Lawngtlai 3rd May,2021 : Karkalta atang khan Mizoram hmun hrang hrang ah beisei loh deuh in kangmei nasa takin kan tuar a.Lawngtlai District pawh a tuar nasa ber District kan ni mai awm e. Chutiang karah chuan Phawngpui National Park a ramngaw tha tak tak te pawh kan hlauhawm khawp in a awm a. Phawngpui tlang bul thut khua te an fakawm tak zet a. An zarah ramngaw tha a Kang hman lo kha, an inpekna a ropui tak zet a ni. Kan sorkar hian an thiltih hi hre reng se, chu an hriat reng na pawh thiltih in ti lang ngei se a tha hle ang.
Phawngpui National Area chhung ah kangmei a chhuak tih hriat anih khan sorkar pawh a buai hle a. Lawngtlai atangin Forest Department te pawh an hotute nen hmanhmawh takin an tlan chho a, an naute'n an riah chilh bawk a. Anni ruahmanna zarah khawtlang hruaitute nen thawhhona tha tak neiin ramngaw tha ah kangmei lut hman lovin thelh mih a lo ni ta a. Sorkar lama hnathawktute pawh an inpekna a ropui hle mai a, neitu thinglung pu an ni tih a hriat hle mai a. Heng mite hi sorkar mi mahse, chawimawi an phu tak zet a ni.
Tun tum kangmei chhuak ah hian Phawngpui National park hi ngaihven a hlawh hle a.A park area takah kangmei lut lo mahse, Hectre 10 atang 15 zet mai kangmei a tuar hi a pawi hle mai. Mahse, kum dang ngaihtuah erawh chuan he kangmei chhuak hian a khaw bula khaw neitute thinlung ah neitu rirlu a put tir hi a lawmawm hle a. Hun lo la kal lehzel turah pawh a tlang bul thut a khua awm ten ngaihhlutna chang an hriat leh zual pawh a beisei awm tak zet a ni.
Phawngpui National Park kangmei laka venghimtu khua te hi chawimawi an phu a, an thawhrimna te, inpekna te leh an tlawmngaihna te hi sorkar hian theihnghilh lovin an phu tawk chawimawina na hlan ngei pawh a tul hle awm e. Thalai tam tak mahni in lum chhuahsan a, hah pawh sawi lova Kang thelh tute hi an fakawm tak zet a ni.
Post a Comment