MLA PU H. BIAKZAUA 'N A BIALCHHUNG VLTF TLAWHIN TUICHHAK TLANG DUNG FANGIN MI CHHUANCHHAM HARSA ZUALTE TAN LUANGCHHUAK
Lawngtlai 31.05.2021 : Vawiin 31.O5.2O21 [Thawhtanni] hian Lawngtlai East bialtu MLA & Vice Chairman Agri. Dev. Board Pu H. Biakzaua chuan a bialchhung Tuichhak tlang dung fangin, MLA Fund atangin VLTF te hnenah leh Mi harsa zual/chhuanchhamte hnenah thilpek hlanin hun a hmang.
A bialchhung khua/veng pariat (8) a tlawhnaah hian, chhungkaw 300 te Buhfai leina tur atan, chhungkaw khatah ₹.1,000/- (cheng sang khat) ṭheuh pein, leh VLTF Duty te tanpuinan ₹.40,000/- (cheng sing li) a hlan bawk. Pu H. Biakzaua'n ṭanpuina pawisa fai a semchhuah hi a zavaiin ₹. 3,40,000/- (Cheng Nuai thum leh sing li) niin, leh Face Mask, Hand Sanitizer leh Silpoulin te a pe bawk.
Vawiina a bial chhunga ṭanpuina a pek khua te hi khaw pariat (8) niin, chûngte chu: Tlângpui, Lungzarhṭum, Bualpui (Ng) West, Bualpui (Ng) East, Siachangkawn, Vawmbuk, Tialdawngilung leh Archhuang khua te a ni.
MLA Pu H. Biakzaua hi Lai Autonomous District Council a Executive Member pali (4) te, Pute: Pu V. Zathanga EM, Pu Sanghuliana Mualchin EM, Pu K. Hre kung EM, Pu CL Lianzuala EM leh Pu H. Lalhmingmawia General Secretary MNF Dist. Hqrs. Lawngtlai ten an ṭawiawm ani.
Post a Comment