*Lawngtlai Town COVID-19 Executive Duty report (01.05.2021)*

*Lawngtlai 1st May, 2021:* Mizoram puma ni 21.04.2021 aṭanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 38 manin, an mi mante hi pawisa Rs 3,800/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 194 man tawh niin, pawisa chawitir zat hi Rs 19,340/- a tling tawh a ni.

Vawiina dan bawhchhia mante hi vantlang hmuna hmai tuamna (mask) vuah ṭha lo leh inkhuahkhirhna zawm lo te an ni a. The Mizoram (Containment and Prevention of the Spread of COVID-19) Act, 2020 hmanga hrem an ni.



Post a Comment

Powered by Blogger.