Karnataka a Chamarajanagar damdawi inah Covid-19 vei enkawl mek 24 te chu oxygen an tlakchham avangin nimin, May 2 khan an thi. He damdawi inah hian damlo mi 144 an awm mek a ni.
Karnataka Chief Minister BS Yediyurappa chuan he thil thleng chhuichiang tur hian IAS officer Shivayogi Kalasad chu a ruat nghal a, ni 3 chhungin thil awm dan sorkarah thehlut hman turin a ti bawk.
Damdawi ina awm te chuan oxygen hmanlai hi a tlem hle a, damlo te tan khamkhawp a awm lo a ni an ti a. Mysuru MP, Pratap Simha chuan, ‘Media miten damdawi ina oxygen nhungchang min zawh hnuin Chamarajanagar DC Dr MR Ravi ka be nghal a, a niin oxygen incharge ADC a be bawk. Keipawhin Southern Gas te ka bia a, bur 15 pek kan ni a, hemi hma pawh hian pek kan ni tawh bawk. Heti chung hian hetiang thil hi a thleng ta a ni’ a ti.
Mitthi chhung pakhat chuan, ‘ka fapa hi 75% in a tha tawh a, oxygen awm se chu a tha chhuak thei ang’ a ti bawk.
Post a Comment