TMC hruaitu leh West Begal Chief Minister nilai Mamata Banerjee chu tuna West Bengal Assembly inthlanah a dinna bial Nandigram ah chak zo lovin, BJP candidate Suvendu Adhikari chu vote 1200 in a hneh lo. TMC hian seat 294 awmah seat 200 chuang an la a ni.
Hetih lai hian TMC hruaitu Mamata Banerjee hi Chief Minister atan lakluh a ni dawn tho a, amaherawhchu thla 6 chhungin khawi bialah emaw ber dingin MLA a ni hman tur a ni. India constitution article 164-ah chuan thla 6 chhungin minister te MLA an ni hman lo a nih chuan an bang tur a ni tih a in ziak a ni.
MLA thlan tlin lo a Chief Minister atan a lakluh hi India ramah an lo awm tawh a, Bihar CM Nitish Kumar leh Maharashtra Chief Minister Uddhav Thackeray te chu inthlanna chuh lovin CM atan lakluh an ni. Amaherawh chu hengmite hi State Leagislative Council Member an ni a, an state-ah hian Legislature hi house 2 a awm a ni. West Bengal-ah chuan hetiang hi a awm ve lova, Mamata Banerjee hi thla 6 chhungin MLA a ni hman ngei tur a ni.
West Bengal CM vawi hnih ni tawh, Mamata Banerjee chuan a chak loh chu a pawm a, a bial Nandigram mipuite chu lungngai lo turin a chah bawk. A bial chhunga vote tlate chhiar tha tura a ngenna chu ECI in an pawm lo.
Post a Comment