Lawngtlai May 11 : Zoram Drivers Union, Sub-Hqrs Lawngtlai chuan Lawngtlai District-a Covid-19 do nana a tul apianga hman atan nimin khan Lawngtlai District Level Task Force hnenah Rs. 5,000 an hlan.
Zoram Drivers Union, Sub-Hqrs Lawngtlai tena pawisa an pek hi Dr. Andrew H. Vanlaldika, Chairman, Lawngtlai District Level Task Force hnenah an President Pu B.Zothuama'n a hlan a. Dr. Andrew H. Vanlaldika chuan Covid-19 dona kawnga Lawngtlai District mipuite tanrualna chu fakawm a tih thu a sawi a, hri pui dona kawnga theihtawp chhuah chhunzawm zel turin mipuite leh ZDU member-te chu a sawm bawk a ni.
Pu Zothuama, President, ZDU Sub-Hqrs Lawngtlai chuan an pawl chuan hripui dona kawngah thil lian tham tithei lo mahsela, an phak tawka midangte tana thiltha tih chu an duh ber a ni tih an sawi a, chumi lantir na tur chuan pawisa pawh hi hlan an ni tih a sawi.
Post a Comment